Ximiko
Etcheverry, Michel
1
Orai arte izanik beti alegera
Zek gaitu lerrarazi maitia huntara?
Nolaz zerauku lotu holako trixtura
Bihotza treinkatua daukun ilundura?
2
Argi xirrixta hori izar begietan
Zure elhe eztia irri ezpeinetan
Amodio pindarra piztuz nere baitan
Zorionez ninduzun airatzen betbetan.
3
Su gana bihotzean buhaka pizturik
Gogoa bozkarioz betea delarik
Haize hegoak berak ez luke indarrik
Haren ezeztatzeko aski furfurarik.
4
Bi ilabetez behar baitugu berexi
Ez beraz uste ukan nagola ihesi
Ez, elgar ez dezagun halere ahantzi
Betikotz nahi nuke zurekilan bizi.
5
Begiak ņirņiraka, plaņu, bekoz beko
Xortaka urtzen zaizku bi nigar ihintziņo.
Zintzurra agortua mihian ximiko
Elherik goxoena laiteke idorxko.
6
Azken irri ezti bat dautazu ixuri
Zoinen hari goxoak josi bainu zuri.
Zeruan uzten duen marra luze hori
Airekoak derauka gu bien lotgarri.
7
Hain urrundik zu ganat berriz itzultzeko
Urtxoaren pare dut hori segituko
Sor lekua eta zu ezen neretako
Biziaren erroak zaizte sekulako.
