Baigorriar bat Landesetarik
Etcheverry, Joseph
1
Kantuz hasi nautzue hau erran nahiaz:
Orhoit nizala beti ene sort-herriaz;
Ene Baigorri gocho ezin ahantziaz,
Pilotari, muslari, josteta artziaz,
Manecheneko murru untsa frogatiaz.
2
Jostetak utzi ditut serios lanian;
Hementche ari behar kaskoinen artian;
Familia handitzen zaut osagarrian;
Jinkoak lagun gitzala zoin gure lekian,
Berekin hartzekotan azken egunean.
3
Aspaldi sortu eta hari niz zahartzen;
Adinak ez daut ene omorea kentzen.
Halako ausartzia zeren dudan hartzen,
Barkamendu lagunak dautziet galdatzen:
Jaunak lagun gitzala familia hazten.
4
Jinkoak eman dauzkit bi landare gazte;
Aitaren laguntzeko ideia badute.
Hoien bizimodua ichtante da haste;
Beren eginbidia betetzen badute,
Aita-amek bezala kontechko nindaizke.
5
Kantu hok eman ditut ene buruari,
Jinkoari manatuz denen osagarri.
Lagun bat emana daut: bearrik dut hori.
Kantu hok nitaz orhoit diren guzieri.
Zerurat hel gitela otoitzian ar sari.
6
Agur eta ohore, zuri, Baigorri!
Goraintzi ene partez Eskual-Herriari!
Komensacq-etik diot agurra deneri:
Dotzena urte hotan utzi laguneri,
Orhoitzen bazirezte Joseph Etcheverri.