Bakersfield-etik
Etcheverry, Adolphe
1
Hemeretzi ehun hiru hogoi ta hiruan,
Bertsu hok nahi ditut hedatu munduan.
Amerikako leku zonbaiten gainian,
Bakersfield jarria naiz aspaldi haundian.
2
Etchetik partitu naiz gazte nintzalarik,
Ait'ama ta haurride guziak utzirik.
Bai partitu nintzan ni bihotza ilhunik,
Burua apal eta begiak bustirik.
3
Orai bakarrik naiz ni denen egiteko,
Kozinatze bai ala churikitendako.
Emazterik ez baita lan horietako,
Hemen behartu naiz ni denen ikasteko.
4
Goizean goiz jeiki ta berdin berant etzan,
Egun guziak hola behar tugu jasan.
Penak eta plazerak amodioz jasan,
Bakarrik bizitzeko lotsarik ez izan.
5
Zonbat gure artean direlarik gazte,
Bizi molde hobeak chekatzen dituzte.
Guzien nahia da bizi nahi aise,
Lan guti egin eta aberastu fite.
6
Nahi ditut aipatu hemengo lekuak
Artzain egoiten giren udako zokuak.
Hemen gaitu atakatzen azkarki beruak.
Hunek ditu achikitzen gorriturik denak.
7
Udan du hanitz bero eta hotz neguan,
Eremu hanitz eta nehor ez ondoan.
Gisa huntan denbora ez da laster johan,
Beti maite lagunak ditugu gogoan.
8
Bertsu hok eman ditut gazte laguneri,
Urte bat desiratuz urosa deneri.
Nahi duten guziek hunarat etorri,
Amerikan artzaina da eskasten ari...