Pastoralaren phedika Maulen emanik
Etcheto, Jean
1
Othoitzian hasten dügü egünko besta
Biba ziek, kümitatü gütützie Eliza huntan
Jinko huna gure artin dizügü prefosta
Eta Didduek erraiten dereikü: Orai goratik khanta!
2
Diddue zizün izen ttipia
Hatik Eppherre famili handia
Zübükotan ikhusi badü argia
Gazterik gozatü dü Zelia!
3
Alzürükü züzün, haren herri maitia
Herri eijerra erran gabia
Han, azkartzeko oro badia
Osagarria, eta ahatze gabe Fedia!
4
Gazterik, Baiunan egün batez apheztü
Erraiten zizün, Jinko hunak zila bethi lagüntü
Eta behar zela egünoz hartaz orhitü
Hortako, Diddue Eppherre erremestia dezagün!
5
Diddue kolejun izan zira gure iakaslia
Eta artetarik ikhusi düzü ifernia
Bena izan bazira Profesür haitia
Zure matematikek ikhusazi dikezie debria!
6
Zurekin ikhasi dizügü zer zen xüxenaren atzamaitia
Egünoztako bizin, inportant beita jüsto izatia
Eta agitzen bazereikün oxo trunpatzia
Zure begietan ikhusten ginizün, zer zen Parkatzia!
7
Zure mintzaje argia aija Uskaralat lerratzen
Hortako beti ari zinen edo izkibatzen edo khantatzen
Lagüntü badüzü Mauleko ikastola sortzen
Fier zinen ikhustez sanoki ari zela handitzen!
8
Eskola hortarat Haurrak jiten dira gogotik
Uskara emaiten dizie bihotz bihotzetik
Hola segür gira badatekila ziren ondotik
Pastual eta Maskada emanik gure Xiberotik
9
Egün Area aldi düzü aktür izatia
Holako egünak sendi dü izerdia
D'Abbadiren bizia dela amiagarria
Haren jokatzeko badüzie osagarria!
Urrentzeko erran nahi dereiziegu eskerrik hanitx deneri
Bai zier, bai Diddueri, bai Kristo Erregeri