Espos-eguneko-kantiak
Adixkide fidel
1
Agur bero bat bihotz erditik oral jaun eta andriak
Pertsu batzuek kantatzen ditut egungo egin berriak;
Bozkariozko suieta deraut emaiten okasioniak
Egun ikusiz hemen juntatzen bi bihotz maitagarriak.
2
Oroz gainetik aipatu nahi ditut jaun-andre esposak
Pentsatzen baitut zonbat zirezten memento hontan urosak;
Hola konplitu dituzielarik elgarri egin promesak
Dudarik gabe atsegin oso derauka zuen bihotzak.
3
Xoragarri da jenden izaitia, bat beraren sasoinean
Partikulazki amorant gazte hola kausitzen denean;
Damurik zauku laster pasatzen batere uste gabean
Espos gazteak protxa zazue modurik hoberenean.
4
Felizitatzen zaituztet biak, bai Michael eta Jeanette
Sakramenduak gaurko egunian elgarri josi zaituzte;
Orai bezala bizi guzian fidel egoiten ba zizte
Jainko-jaunaren graziak segur bai lagunduren zaituzte.
5
Espos gazteak gaurko ezkontzak zaituzte biak batera
Obligazione berriak entsegatu konplitzera;
Lehen lehenik batek bertzia beti fidel maitatzera
Zorionaren bide zuzena garbiki kontserbatzera.
6
Gazte danikan ezkontzen denak duen obligazionia
Giristinoki altxatu behar heldu zaien familia;
Ainitzeri du horrek emaiten kontsolamendu haundia
Lana xuhurki duenarentzat denbora pasagailia.
7
Lana sobera jalgitzen baita aita-amer ainitzetan
Orduan haurrak ezartzen duzte bertze norbaiten eskutan;
Errespetua horrek galtzen du hamarretarik zortzitan
Haurrak dituen amak ditzala atxik beraren manutan.
8
Pertsu hontan dut mintzatu nahi orantxe espos jaunari
Amodio ta karesa bero atxik beti lagunari;
Duen itxurain araberara izar bat baitu iduri
Lausenga baizik ez daike egin horren begi eztiari.