Misioneak Hazparnen
Etchemendy, Joseph
1
Mila bederatzi ehun eta berroita hamabortzian
Hiru aste iragan tugu Phazkoaren aitzinian
Jainko onaren lege sainduaz mintzatzelekin batian
zen misione hunkigarriak izan ditugu herrian
2
Hazparneko herriak ditu zabal zabala hegalak
Kita misionestak ez ditu halere lotsatu lanak
Kurritu dituzte bai segurki mendichkak eta zelhayak
Etche orori helarazteko bere othoitz hoberenak
3
Egun guziez haste hastetik, oi gauza hunkigarria
Oste haundian ibili baita elizan jende guzia
Hori ikhusiz asea dago gauza hunen asmatzia
Herri hunetan bethi dagola azkar oraino fedia
4
Aita Maintenu, Darritchon, Suhit, Aguirre zazku mintzatu
Hoyen erranak suhar zirela zauku guri iduritu
Jainko onaren lege saindua daukute argitaratu
Hori segituz salbamenduaz ez dugu behar dudatu
5
Zuen lehia miresgarria nola ez hemen aiphatu
Aita Maintenu lotsatu gabe orotutzu antolatu
Zure lagunak ere zitzaitzu bihotz guziaz segitu
Zahar, gazte, eri, erdaldunez guziez zaizte orhoitu
6
Oroz gainetik choragarria egun baten aratsian.
Hunkigarria suzko abaya gure karriken erdian
Herri guzia hor da bildua kantuz eta othoitzian
Zeruko Amak bazuken segur irrigno bat ezpainian
7
Etzen gutiago hunkigarri izan dugun bertze gau bat
Khartsutsunekin girelarik guziak joan hil-herrirat
Hil hoyen arimetarik bazen joanik purgatoriorat
Ordu berian ainhitz ditazke bai hegaldatu zerurat
8
Aste saindua iragan dugu orok bildutasunian
Akhabatzeko choragarriki Phazko egun ederrian
Jende este bat izigarri izan kommunionian
Jainkoak grazia nasaienak emanen dauzku agian
9
Aita misionestak orai hemen dautzuet denen eskerrak
Ez dira debaldetan izan zuek jasan nekhaldurak
Bihotz guziaz zuen erranak izanen dira eginak
Zeru eder hartarat guziak onhart gaitzan Jainko onak.
