Manech Etchamendy-ri
Etchemendy, Jean
1
Suiet berri baten hasterat orainche naiz abian:
Begistatua ere nuen iragan aspaldian.
Huna zer kasu pasatzen den ene izipiritian:
«Bortuko Aitatchi» gogo dut laudatu en'aldian.
2
Alde batetik,maitatua, ta bertzetik oseba,
Laudorioen emaiteko zur' illoba gose da:
Huk baino hobiak merezi zintuzke baitezpada,
Kontseiluz chuchendu baituzu anichko eztabada.
3
Ez baititake uko egin sortzezko gustuari,
Laurogoi urthe iraganak, ta orano koblari:
Mandatu hau egiten diot eskualdun jendeari,
Denek igor dietzatzugun agur minenak zuri.
4
Baigaituzu pertsu zuhurrez bethi zuzen argitu,
Zer zitaken ongi ta gaizki aski untsa garbitu,
Ez dugu erranen ahalko ez dugula aditu
Gaizki guzia gerochago behar dela patitu...
5
Iragaiten ahal bagine mundu huntan sainduki!
Bainan bethi trichteak gira zorigaitzez egoki!
«Aitatchi», diozun bezala, entsegatuz hobeki,
Ateak gintuzke zeruan behar zabal ideki!
6
Urthe berri hastapen huntan hauche zait gogoratzen,
Ez laike pollit hau ahantziz bazintut zu kitatzen:
Oseba maitea, urthe on derautzut desiratzen,
Ta graziak ere ardiets, zer baduzun galdatzen.
7
Laster akabatzen baitzeraut koblakako kolpea,
Nahiz ichilik egoiteaz dudan joko hobea,
Bi desira kartsu banuzke zu ontsa izaitea,
Eta zonbait pertsu oraino, zureak ikustea.
8
Perteulari chaharragorik ez baita hemen gaindi,
Eta hobeagorik ere ez dut, biziki sendi...
Desir nuke buruzagiek banezate konprendi,
Zerbait gisaz gorets dezaten oi Manech Etchamendy.