Agur espos maiteak
Adixkide bat
1
Sasoin eder batean, zer egun airosak
Dauzkun guri eskaintzen, aurtengo Maiatzak
Biziari zabalduz, iduri arrosak
Egun kausitu tugu Heletar bihotzak.
2
Kaminoko semea, Léon espos jauna
Zutan daiteke bada, handi zoriona
Uhaldaiko alaba, harturik laguna
Heletari diozu, eman atsegina.
3
Amerika eskualde, harturik ihesa
Atxiki izan duzu, hitzeman promesa
Pausuan ezartzeko aitamen bihotza
Kuraiekilan duzu, hartzen laborantza.
4
Etxean plantatzera utziz beren haurra
Aitamek badukete, handia plazerra
Eman dezakotela, kuraia, indarra
Ibil dezan artoski, heiek lantu lurra.
5
Bizikotzat harturik, lagun bat eztia
Urostasun osoan, zirade jarria
Beti konpli zazue, Jainkozko nahia
Haren borondatean, molda familia.
6
Andre espos maitea, bi solas laburzki
Ele ederretarik balinbadut aski
Altxatua izarra, hoin girixtinoki
Zonbat xarmanta ziren, nork ote ez daki.
7
Zonbait urte egonik, hor gaindi hirian
Zure bihotz eztia, zinuen herrian
Laborantzan lotzeko beti amentsian
Amants horren arrosa, egun da lilian.
8
Ahantzi gabe ere, behar tut aipatu
Aitama maite hoiek, tuzue ohoratu
Zuen altxatzen dire, denboran penatu
Zozionez tuzue, pena hoik pagatu.
9
Amodioarekin harturik indarrak
Jaunak nahian pasa, urteak ederrak
Bakean errespeta, etxeko xaharrak
Goxa dezazten luzaz, beren haurren haurrak.
10
Zuri mintzo nitzaizu, eskualdun gaztea
Espos berri hotan da, etsenplu hartzea
Gauza ederragorik, denenzat badea
Amodioz beiratzea, lurra ta etxea.
11
Huna oraixet uros, egun espos berri
Bizi guzikotz zizte, josiak elgarri
Grazia galdaturik zeruko aitari
Jarraik zaitezte beti, haren bideari.
12
Penarekin naiteke, ni huntan arrasta
Kontseilu ttipiño bat zuer eman eta
Maitasunez zazue, beti elgar maita
Famille altxatuz, emenda Heleta.