Bi Garaztar Parisen
Etchemendy, Jean
1
Eskualduneri agur eta othoi kasu,
Eman gogo baititut orai zonbait pertsu:
Aiphatu nahi nuzke gaur Garaztar batzu,
Parisen ikusiak hok Parislar faltsu.
2
Arpegi gorri eta kapelu handiak,
Kapeluko zikinak ez arras kendiak,
Parisen bekan dira holako jendiak:
Izan badira ere, aspaldi zendiak.
3
Ikusgarriak ziren ibilki karrikan:
So zagonak in duke, iri ederrikan.
Ahuntzen pare ziren, goizetik-ats tropan,
Otoek izituak zabiltzan kalopan.
4
Bide-kurutze hotan, eskuin ala ezker.
E zbada kasu-iten minhartzea da laster:
Bi Garaztar baititu otoak lehertzer,
Oso balinbadira, Jinkoari esker...
5
Hemengo jandarma hok ukan duzlen lanak!
Bakarren erasiak dituzte erranak!
Garaztak horiek omen baiziren edanak.
Ez dira goratuko eskualdunen famak...
6
Mendiko urrats hori nahiz kriketatu.
Jinkoak daki nola diren enseatu:
Astoak nahiz trostan zaldia garhaitu.
Nago mandotik diren orai astoratu!
7
Garaziko chokotik behin jiten eta,
Zerbait eremaitea hementik zuzen da:
Hok egin nahiz beren gisako presenta.
Garazin sartu dute hemengo «akzanta»...
8
Pariserat lehentze heldu zirelakotz,
Atrebitu dirare, gau ta egun oroz:
Laurentchek andre-gayik ez duenaz geroz,
«Pigallen» bada frango, batto ezin eros.
9
Gisa orotakoak ikusten baitira,
Behin partituz geroz, ezin erretira!
Gidatzaile onekin ezin galdu dira:
Berak etziren jinen hok eskual-Herrira!
10
Bi jaun horik nor diren, nik ez dut errango:
Zeren Garazin baita, trufatzale frango:
Bi klasetarik bazen - ezkondu-donado!
Erranak-erran, baitut lagun on egongo.
11
Hiria-hiri baita, ta mendia-mendi,
Hobekiago dira Donibanen gaindi.
Pariserat ethorriz, besta zuten sendi:
Azkenik beldur ninzan hemen ziten geldi!