Canada-tik
Etcheleku, Pierre
1
Egun desberdin asko badira
sortuz geroztik munduan:
Egia hori aitortuko dut
ongi frogatu ondoan!
Ni sor-lekuan bizi nintzana
aita-amekin gostuan,
Hetarik urrun huna non naizen
orai Canada xokuan!
2
Xoriak ere bere umeak
agertzen zaizkon pondutik,
Berak hazten tu jana bilatuz
ahal dukeien lekutik.
Azkartuz geroz ume horiek
joaki ohantze goxotik;
Gisa berean partitu naiz ni
burraso onen etchetik.
3
Hemetzi-ehun berrogoi eta
oi hamahiru-garrena,
Otsa-ilaren hamarra nuen
abiatzeko eguna.
Tristerik nintzan besarkatu-ta
neure aita eta ama;
Gogotik ezin kendua baitut
orduko orhoitzapena.
4
Ene arreba goxo maiteak
nigarrez zaituztet utzi.
Bi hilabethe naizela orai
nuen ganik berex bizi.
Bainan hargatik ez zaituztet, ez,
gaixoak, hola ahantzi:
Bihotzetikan derauzkitzuet
igortzen mila goraintzi!
5
Canada leku borthltza dela
hori ez da, ez, gezurra:
Hunat heltzean metra bat lodi
hatzeman nuen elhurra.
Haize hotz batek plkatu nahi
bisaia eta sudurra
Nindagon haragitik zautanez
berexi behar hezurra!
6
Baxenabarre goxoko seme,
sortzez naiz Arrosatarra,
Amerikara jina naizena
ez bainaiz segur bakarra:
Mutil gaztien enganagarri
leku hauetan dolarra:
Bere pobrean biba betikotz
gure sor-leku ederra!