Egia da...

Adiskidea

 1

 Bankako ihiztariak denetan famatuak. (berriz)

 Ondo hetako erbiak,

 Erbi eta ihiziak, denak, tiroz dituzte hilak.

 ERREPIKA

 Egia da, egia nihauk ikusia da (berriz)

 2

 Igand'egun eder batez, basurde bat kusirik,

 Ba ote zen espanturik,

 Espanturik ba ote zen nunbait, ez erraite beharrik.

 3

 Harmak ontsa kargaturik, mendiz mendi joan ziren.

 «Bai guretzat duk izanen

 Guretzat bai duk izanen, segur, zeren baitugu hilen.»

 4

 Basurdea hatzetarik fite hatxeman zuten.

 Txotxetan tiratu zuten

 Tiratu zuten txotxetan, hantxet, zoinek hil behar zuen.

 5

 Ihiztari hoberena xorteak du hautatu

 Ez baitzen guti harritu,

 Harritu eta daldaran, naski, basurdea hunkitu.

 6

 Basurdea kolpaturik, ihes joan omen da.

 Bankan utziz ber'odola,

 Ber'odola utziz Bankan, omen, jo zuen Erratzura.

 7

 Han bizi omen da orai gostu hoberenean.

 Ihiztariak etxetan,

 Etxetan ihiztariak daude, gorderik ahalgetan.

 8

 Adixkide otoi barka, hemen gaizki errana.

 Ixilik ezin utzia,

 Ezin utzia ixilik, baita holako balentria.

 9

 Oihanean basurdea hiltzen duzuenean,

 Xingar xafla bat gostuan

 Gostuan xingar xafla bat berdin, zuekin nezake jan.