Saharatik
Etcheberry, Gilbert
1
Hamasei ilabethe egin tut Frantzian,
Undarrak hururatu behar Algerian
Bortchatuak jitea, nork bere aldian,
Leku trichte huntarat, azkenak agian.
2
Port-Vendres hirian dugu untziska bat hartu;
Zazpi ehun soldado barnean metatu:
Itsasoa ezti baitzen ez gira eritu,
Untzia ez baitzaugu sobera higitu.
3
Goiz alderako gira Algérat ethorri;
Chuchen hogoi orenez egin bide hori
Urrunetik so eta Parise iduri...
Hurbildu-ta ondoan bar zen urre hori!
4
Hortik igorri naute Reggan den tokirat,
Sahararen erdian dagon herrichkarat;
Iguzkia bero ta hurak agortzerat,
Zer debruk du gizona gidatu hunarat?
5
Hemen dagon jendea segur da trichtea:
Gose, egarri eta bethi kizkailia.
Desertian bizia ainitz da nekea;
Kabaletan errege jauntto kamelia.
6
Huntan utzi behar dut, bhainiz egarria:
Arno gorrigno hori, zer falta handia!
Jainko Jaunak emanik Eskualdun herria,
Eskualdunek badugu bai parabisua.