Bi pertsu goresgarri Harambillet pilotariei
Adichkidea
1
Bi pertsu berri nahi diozkat kantatu Ezpeletari
Herri guti da izan duenik horrek bezanbat plekari
Agur handi bat egiten diot Harambillet arrazari
Odol beretik sortu baitzauzku plazako hiru iaun handi
2
Bere denboran Mattin chaharra nola etzuten aitphatzen
Trinket barnean, aintzin gibelak, denak zituen zafratzen
Utzi behartu zitzaionean, semea zaio agertzen
Aita bezala, frantses-espaņol, orori da nausi jartzen.
3
Hirugarrena, seme gazte bat, heldu zaiote ondotik
Aitek bezala, pilota maite, ezin kendua eskutik
Geroan ere, segur girade, hola segituz engoitik
Plazer izanen dugula orok hari beha bazterretik.
4
Zuen omena gora dagoke, gure Eskual herrietan
Agian gaztek, zuek bezala, gostu dukete pilotan
Plekari ainitz ikus dadien eskualdun plaza gainetan
Zahar gazteak gocha gaitezen igande arratsaldetan.
5
Eskualdun seme, zuen herritan, atchikazue pilota
Eskualherriko ohiduretan ederragorik ez baita
Aiten desira izan da bethi, bertzeak oro utzita
Pleka jokoa bihotz bihotzez guziek dezagun maita.