Errecart eta Inchauspe-ri
Etxemendy, Jean
1
Hamazazpigarrena, oi Apirilari
Argitu zaio aurthen, zoin distiragarri!
Bozka eguna baitzen, egin naiz koblari,
Agurren emaiteko «Eskual-Herriari»
Bai eta gradoratu zauzkun bi jauneri!
2
Alegera girade oraiko moduan
Ikusiz Errecart ta Inchauspe graduan:
Eztitucheak dira denak mementuan,
Bainan atchikikore gauza hau goguan,
Ezen izan baitira gaitzeko guduan...
3
Egun hetan ez ziren ez eskas paperrak:
Azkenekotz bethecheak ziren bazterrak:
Alde orotarikan zer elhe ederrak!
Zuen kontra halaber, ahophaldi tcharrak
Bazinduztela segur huts handi azkarrak...
4
Etsenplu bat huntarik tira dezatela;
Ichilehago bertzela egon ditezela;
Arbola orok badu bai doiko itzala,
Itzaldunak fruitua ekartzen duela,
itzal-fruitarik gahe, eiharra dagola...
5
Deputatu baitugu «Errecart» suharra
Ganbara argizale: «eskualdun su garra»
Ainhitz-i zure gatik bethe da pegarra:
Orai omore tcharra, hori gauza klarra!
Ez baitute pasatu, desiratu parra.
6
Nola argizagia gau ilhunenari,
Biak hala zarezte gu denen gidari:
Argi eta fagore Eskual-Herriari,
Aberatser bezala jende beharrari:
Horrela berdinean dugu izan nahi
7
Kanpuak primaderan eder du floria,
Gustian dagonian kantari choria:
Orai halaber dago Eskualdun Herria
Zuen gerizan baita, oi gure loria!
Irabazi onduan zuzen bitoria...
8
Agur eta ohore zuri: «Luis Tnchauspe»
Azken pertsuan irriz hola ar gaitezke
(Soinu-muthila -bainaiz, ideiak banuzke)
Cherbachoinerat oino segur jin gintazke,
Bestak ditugunian, zure ganat eske...