Chalbador eta Mattini

Etxamendy, Jean

 1

 Chalbador eta Mattin ditut ohoretan;

 Konfiantza izpi bat galdu dut bietan:

 Bat bethi berdin dago pertsuen zorretan;

 Chalbador gazten kontra hasi aferetan

 Ta Mattin ere naski da asmu beretan.

 2

 Lehenik Urepele, Ahetze da gero:

 Bien artean, gaur dut, hartu delibero.

 Pertsu emaiten nire naiz potitikero;

 Nahiz zaharren kontra gogoz ez hain bero,

 Fermuki hasi naiz gaur, utzirikan oro.

 3

 Agur minak bihotzez, Mattin ta Chalbador

 Urrunetik ez nuke eman nahi amor;

 Pertsulari gazterik ez delakotz nehor;

 izan dira pertsuak segur arras sarkor;

 Gazte baten ordainak adi-zkizue hor.

 4

 Chalbadorrek ederki gauzak ditu klartu

 Koblari arrazari, dela aldi-tchartu:

 Gauza berari nihau-ere naiz ohartu;

 Lanjer handia kusiz pensaketa sartu;

 Uste baino barnago gogoak dait hartu.

 5

 Jaunak igortzen ditu bethi munduari

 Behar diren-hetarik behar orduari:

 Lehen izan da eta bada pertsulari;

 Hargatik orotarik, chehe eta larri,

 Halere ezin fida in dezakenari...

 6

 Ez dut ez gar handia nik hogoi urthetan.

 Entseguak baditut naski debaldetan.

 Gogotik ar nindaite bai zuen aldetan:

 Alta zirezte segur gaitzeko fametan,

 Bainan halere bozez heldu den primetan.

 7

 Erran behar dauzuet, oi adichkideak,

 Agradatzen nauela pertsu emaiteak,

 Eta ere eskualdun fermu egoiteak...

 Bainan deziraz baizik ez deazke segi;

 Oraino gibelache nauka ahalgeak...

 8

 Ohantzetik umeak, airekoer begi,

 Hek nahiz imitatu, ari higi-higi:

 Bainan desiraz baizik ez deazke segi

 Gaicho hura ezin da abia goizegi;

 Hegal lumachazkoak ditu ahulegi.

 9

 Halere etsenplua hartuz zahar bati,

 Guti-aski bederen airatzen da bethi.

 Lehenik hegaldatuz ahul eta ezti;

 Erortzen den lekian, ahal bada, chuti;

 Eta berdin juanen da hedoyetan goiti!

 10

 Chori ume horren naiz gisasu bertsian:

 Ezin aisechki planta kantu ta pertsian!

 Koblari batendako noiz ezin-bertzian:

 Bainan hau derauzuet, hitz hok agertzian;

 Ez naiz luzaz egonen bidechka hertsian

 11

 Neure parabolatik bainaiz geldituko,

 Erran hotarik beden araiz ichilduko;

 Bainan irakurlea baita dudatuko,

 Zuen arterat naizen ni menturatuko,

 Azken huntaz, guzia dut esplikatuko.

 12

 Chalbador eta Mattin, huntan beraz: «Agur»

 Elgarren ikusteaz dugu zonbait aphur;

 Pertsulari jiteko ez naiz egoin uzkur;

 Zerbait atherako dut chuchen edo makur

 «Mama gorri on hori» ez badago chuhur!