Amen bestakari

Etxamendy, Jean

 1

 Airez-aire, itsasuan, ama onaren gana

 Bertsukako aire batek bestakari nerama...

 Esplikatu nahi nuke gain nere katichima:

 Zer heinetan maite dutan oi ama «Geachiua»!

 2

 Mundu huntan zer othe da gauza eztiagorik?

 Eskuarazko mintzairean ez da ederragorik.

 Bertzela zer othe daite «ama» bezalakorik?

 Galduak gira, ez bada haren amodiorik.

 3

 Munduratu nauenerat doa ene gogua,

 Bihotzaren erditikan dutan amodiua:

 Kecharazi dut askotan, ta bainintzan gaichtua,

 Ene gatik imitatu ere duke Krichtua.

 4

 Pertsuka artzeko segur ez dut hanbat talendu;

 Halere nahi nukezu galdatu barkarmendu.

 Orai artinoko hutsak nahiz eta chuchendu,

 Amodio kantatzerat naiz zure ganat heldu.

 5

 Alderdi kartsuen batez maitatua ttipitik.

 Sendimendu beretan naiz mintzo soldadogotik.

 Bihotza daldaretan dut, ta derauzut gogotik:

 Ez zaitut ez ukatuko, gaicho ama, engoitik... .

 6

 Mundu huntako legea baita egundainotik,

 Urtheak pasatzen dira batzu bertzen ondotik.

 Elhurra ere kusten dut, ezti jeusten zerutik.

 Bainan ni bethi berdin naiz bilo churien gatik.

 7

 Cahartzerat doanaren bisa zen zimurra!

 Fite histen betbi baita familian beharra.

 Segi dezagun chaharren laneko gar suharra.

 Ta Jaunak eman dezela bere sari ederra.

 8

 Lancan setiatua, kasik lephuan korda,

 Familia altchaturik, laneko froga hor da.

 Zonbaitzuk ezin baituzte chahar onak soporta.

 Hanbat gaichto heiendako, ez bazeye inporta!

 9

 Ama higuintzen duena hauche da errementa!

 Ongi altchatu saritzat, esker gaichtoz presenta.

 Ez nehorek desiratu zaharren testamenta;

 Gero ez sofritzekotan Luziferren tormenta.

 10

 Trichte eta alegera, bizi huntan goatzi.

 Eskualdun ama maiteak orai behar tut utzi.

 Soldado guzien partez, besta lrun ta goraintzi!

 Musu amultsu bedera eta ez othoi etsi.