Nere Sortetxeari
Esponda, J.
1
Anitz bezala sortua bainaiz
Euskadiko lur maitean
Amak ta aitak hazi ninduten
Baserri ttiki batean
Haiek zituzten neke guziak
Berantxago ikustean
Adimena senditu ordu
Aldegin nuen airean.
2
Hogoita hamar urte inguru
Joan nintzela ihesi
Kanpoko saldak zer gostu duen
Beharrak daut irakatsi
Urrun gantare ez bailitaike
Nahi den guzia kausi
Horrengatikan nik sorlekua
Ez dut sekula ahantzi.
3
Erabaki bat havai bainuen
igande batez joaitea
Berriz ikusi behar nuela
Neure sorleku maitea
Haratekoan gogoa naukan
Oritzapenez betea
Dohakabe bat aurkitu nuen
Hori zen gauza tristea.
4
Sukalderako leiho zaharra
Erdi eroria dago
Eta sartzeko ate lodiak
Badu errezelo frango
Sisten hartzeaz beldur dagona
Egon behar urrunago
Lapar lodiak joanak dira
Etxea baino gorago.
5
Etxe gibelak hartua baitu
Aintzinak duen moldea
Horraraz gero nik hori ere
Ikusi nahi ordea
Barrukiari behatu nion
Hemen zer dago gordea
Orga pare bat, bipilak jana
Eta herdoilak goldea.
6
Gero segidan joan bainintzen
Etxe azpiko landara
Hau ere ezin daike gehiago
Landa batekin konpara
Ez da oraino oihana baina
Gotortua dagon xara
Lehengo gure uzta lekua
Orai basurde ganbara.
7
Ilun ta triste bukatu nuen
Nere bisita laburra
Horrara berriz itzultzeko nik
Izanen dutan beldurra
Tristura leku bilakatu da
Halako etxe xamurra
Oraiko ustez hor egin dut
Nik nere azken agurra.