inprimatu
Mattin, izar berria
Izenburua:
Mattin, izar berria
Sinadura:
Esnal, Pello
Urkizaren iruzkina:
Egilea(k):
Esnal, Pello

Argitalpena:
Zeruko Argia.
Urtea:
1981
Argitalpenaren urtea:
Alea:
920.zk.
Orrialdea:
38

 

 

 

 

faksimilea ikusteko


Mattin, izar berria

 

Esnal, Pello

 

 1.

 

 Hura berri samina,

 latz eta isili

 etorri zitzaiguna

 ezkilaz ezkila:

 Mattin Ahetzekoa

 genuela hila

 edo agian joana

 Xalbadorren bila.

 

 2.

 

 Geratu ginenean,

 Mattin, zure gabe,

 gaua egin zitzaidan

 bihotzaren jabe.

 Kezkati hasi nintzen

 galde eta galde

 irriak betiko egin

 ote zigun alde.

 

 3.

 

 Itsasoari joan

 nintzaion galdezka.

 Hitz gogoz kendu zidan

 bihotzeko kezka:

 «Humorea estaliko

 duen lurrik ez da,

 nonbait jarriko zuen

 Mattin horrek festa».

 

 4.

 

 Pozez galde egin nion

 mendiari orduan:

 «Ikusi al duzu Mattin

 zure inguruan?»

 Honela esan zidan

 erantzun moduan:

 «Festa-hotsa somatu

 nuen bart zeruan».

 

 5.

 

 Zeru aldera begira

 nintzen gauez jarri

 eta ilargia nuen

 keinuka igarri.

 «Hemen denok dakigu

 Mattin horren berri:

 izar artean dabil

 bertso eta irri».

 

 6.

 

 Pozgarri izan zitzaidan

 hura jakitea

 eta bilatzeari

 gogoz ekitea.

 Zeru erdian zaude

 zu, Mattin maitea,

 izar txikia baina

 dirdiraz betea.

 

 7.

 

 Geroztik egunero

 iluna heltzean,

 zure bila jartzen naiz

 gauaren beltzean.

 Zerura begiratzen

 dudan bakoitzean,

 taupaka hasten da irria

 nire bihotzean.

 

 8.

 

 Ezin gaitezke, beraz,

 heriotzez mintza:

 bizirik dugu Mattin,

 irriaren giltza,

 izarrak berarekin

 algaraz dabiltza.

 Hara gora begira

 triste bazabiltza.

 


inprimatu