Izarren argirat
Eskualxori
1
Zer den gaztetasuna, bethi alegara,
Iguzkiari lore eder bat bezela,
Geroari lorios irriz so gaudela:
Gure bihotzian bakan sartzen da trichtura.
2
Hogoi urthetan segur denak eder dira;
Ez da hanbat senditzen lanen akidura;
Bainan, uste gaberik, bet betan ardura
Sartzen da gure baitan berdin ilhundura.
3
Nork nola asma lio zer dudan senditzen,
Neure bihotza hola zerk duen trixtatzen?
Nihaurrek ere ez dut ontsa konprenitzen,
Zer gaitzek othe nuen hoinbertze sesitzen.
4
Iduri zaut naizela gau ilhun batean,
Bakarrik erabilki mundu zabalean:
Huts bat izigarria sendi dut ni baitan;
Gose dorpe hori dut pizu bihotzean.
5
Haur denborako argi distirantetik nu
Gaztetasunak bethi emeki urrundu;
Ilhunbe garratz bat da nere baitan sartu,
Nihaur ohartu gabe bihotzean lotu.
6
Ilhunbetik nehundik ezin atheratuz,
Erdi-lo tzar batean nindoan laketuz;
Huna nun, urrunean bet betan argituz,
Izar bat den agertzen ni ganat hurbilduz.
7
Zeru-lurren artean ari da ņirņiran,
Su pindar bat bezala gau-ilhun batean;
Hain da galkor nun dutan segitzen abian
Ilhunbetarik kanpo chuchen gida nezan.
8
Gau-ilhunbeak ditu emeki urratzen,
Iguzkiak zerdan delarik agertzen;
Izar horrek duela ilhuna bentzutzen,
Argi zabalerat niz azkenian jalgitzen...
9
Bakezko gozo bat da nere baitan sartzen;
Izar ttipi horrek daut barnea argitzen.
Gochotasun hori zerk othe daut ekartzen?
Ilhotzean khar hori zerk othe daut phizten?
10
Ner'izaite guzia da burtxuraturik,
Bihotza suzko indar batek choraturik;
Gau-ilhunbe jaidurak denak kasaturik,
Amodio berri bat ni baitan sorturik.
11
Lore miresgarri bat zaut hemen agertzen,
Nere begien bixtan beitu distiratzen;
Gogo bihotzak dauzkit osoki bethetzen
Usain gozo batekin arrunt lilluratzen.
12
Iguzkiaren pare du begitartea,
Suzko dirdira batez begia bethea:
Zure kharra dautazu ichuri maitea;
Zurekin laiket gocho bethi egoitea.