Gure mintzaira
Eskualdun Fidel (A.J.C.: Arrossagaray, J.C.?)
1
Gure mintzaira ikasi dugu aita-ama onetarik
Orroitzapen hau ez dezagula sekulan utzi gutarik;
Irakurtu dut mundu guzian ez daukela ez parerik
Jende abilek ezin dirote aurkitu honen errorik.
2
Erroak ditu atzeman ahal baino barnago lotuak
Arta ditzagun eihartu gabe horien adar sendoak;
Ahal duguna garbi atxiki ekendurik afruntuak,
Primaderako lilien pare eman ditzala fruituak.
3
Fruitu sanoak ematekotan gure mintzairak orotan
Erakaspenak landa ditzagun jende gazten gogoetan;
Eta ez lotsa Ian hau nekosa oral iduri gatikan
Zer nahi egin behar ginduke Eskuara altxatzekotan.
4
Zabal dezagun gure mintzaira gabiltzan leku guzitan
Ederragorik ez dugu uste jalgi dadin nihundikan;
Pratika beti ez dadin ahantz, izan gabe beldurrikan
Gure Burason erakuspenak ez uzteko alferrikan.
5
Eskualduneri mintzo naiz hemen ixilik ezin egonez
Ez nuke nahi nihor afrunta dadin orai nik erranez;
Eskual-herriak mende honetan zenbat desberdin mintzatzez
Hori ikusiz hementxe nago doluz urturik herabez.
6
Ordu litake dezagun orok denbora hontan konpreni
Gure mintzaira berdin eginez zenbat litaken konbeni;
Bainan hartako entsegu onak ez ditzagula desuni
Lan nekosaren bururatzeko laguntza eman elgarri.