Monoren eztaiak
Erviti, Bernat
ERREPIKA
Nono, Nini eta denak
ahaide eta auzo,
Janik eztaia ederrak,
jostatu gire atzo!
1
Nono da ene kusia, Nini ene kusina;
Atzo ezkondu zaizkigu biak elgarrekila!
Holako bestarik behin ikusi ez duena
Ez da irriz arizana posible den bezala!
2
Nonoren jaka hertsia otto zenarena zen;
Galtza labur batzuekin, mainurako iduri;
Zapel alimale hatek zuen kasik itsutzen;
Eskalapoinak herrestan, pollita zen jaun hori!
3
Nini kusinaren traka segur baitzen bertzerik!
Zaia ferde, mottoa beltx, mukuz dirdir sudurra...
Erruban zahar histuek gorriz inguraturik,
Orok miresten ginuen haren gerri ederra!
4
Birazka sartu girare besoz-beso merian,
Jaun merak irriño batez agurtzen gaituela.
Lana joan da tipus-tapas inomine batian:
Nonok baietz, Ninik baietz, merak «ongi da hola!»
5
Elizan zeremonia hasi da frango plantan,
Salbu Ninik ahantzia espos-belo xuria;
Nonok ere erheztuna ahantzia martxantan;
Apezak deus ez ahantzi, ez-etare eskia.
6
Mezatik landa goserik aserat bagoatzi;
Mahainean jan-ahala arto eta patata;
Ahoaren freskatzeko bana xardina gazi;
Dantzara denak prest gire, pitarra edan-eta.
7
Xirribikarik ez eta xirularik hain guti,
Amaso bertzari, joka lotzen da jo-ahala:
Oi zer orroak dabiltzan goiti eta beheiti!
Gu dantzan irriz itoak, egarriak gauzkala.
8
Bainan xo! Nonok bet-behan oihu egiten dauku:
«Argia histen hasi da, husten ere pitarra;
«Amaso musikariak boza galduxea du.
«Gau on, adixkide onak: ea denak ohera!