Pernando ta Zabala
Txabalategi
Bein Txabalategi ta Ernaniko beste bertsolari bat Lekunberri'ko bi bertsolarikin aritu ziran bertsotan.
Gero, Ernani'ko bi bertsolari aiek Amezketakoakin (Pernando zan beren artean) Tolosa'n arkitu ziranean, Ernani'ko Txabalategi'k bertso au bota zuan:
Pernando ta Zabala
erri batekoak,
badakit zeratela
koplari bapoak.
Ez izanagatikan
zuek aņakoak,
gu ere egin gindutzen
zerbait Jaungoikoa'k.
Lengo apustukoak,
Napar-errikoak,
Lekunberri'koak,
etziran pijoak;
askoz obeak gaituk
Ernani'koak.
Entzuleen artean an zegoan Ametza, bertsolari onenetakoa ta Pernando'ri zirika askotan aritzen zana.
Txabalategi'k amezketarra nola goratu zituan entzuteak, min piskarren bat eman zion Ametza'ri noski. Pernando'k arpegian ezagutu zion, eta ona bota zion bertsoa:
Ametza omen dago
gizon arritue,
itxuraren kontrako
entenditue:
onek jartzen digu
kontu luzitue,
gu geiago gerala
ezin supritue,
kantuzko pleitue
beartzen gaitue,
galduko zaitue
jarri nai goitue;
Amezketak zedukak
kantuz kreditue.
Ametza'k erantzun zion:
Pernando'k nere ona
ezin eraman txarra
atzean gelditzeko
ni ez naiz mantxarra.
Zuri egiten dizute
iseka ta farra,
ekarri dezulako
alkandora-txarra.
Pernando'k berriz:
Prenda artzen dirazu
alkandorarena;
bai dakit ez derala
emen dan onena.
Txarra izanagatik
au da neronena:
zuk ederra daukazu
baņan besterena.
|