Baso bat ur
Errobi
1
Eskaintzen dautzut, maitea,
baso bat ur hormatu.
Gogoa nunbait galdurik
etzazula hunkitu:
Edergailurik gabeko
asmu bat ordaintzen du.
2
Adixkidantzak huts-hutsik
badakar atsegina.
Ur horrekin egarria
iraungitzen zait dena
Erdia uzten derautzut
erdirik arinena.
3
Zuk hustu duzun basoa
bezain huts eta garbi,
Bat nuzu bakar-bakarra
bat nuzu eta ez bi.
Urak garbi izaitea
ez dauka ospe handi!
4
Urik ez da gehiago.
Argi xoila dario.
Hunek ene emaitzari
orai emaiten dio,
Zuk hartze duzun bezala,
bizi eta balio.
5
Iduri olerkaria
bere kartsuenean,
Jainkoa su eta pindar
gogo-bihotz minean
Jausten eta barna-barna
gelditzen zaionean.
|