Saharatik Saharaz bi bertsu
Erretçu, E.
1
Dugun aipha Sahara, bai debru zaharra!
Egarriak hiltzeko desertu ederra!
Petrolu badutela, bainan nun da ura?
Hunat igorri naute leher egitera.
2
Salbe eremuetan zoin luze bidea,
Iguzkiak zerutik kichkaildu errea...
Itzala beti eskas, hats aidez barnea,
Begien pausagarri nun hosto ferdea?
3
Burua sutan nabil, erhoa iduri,
Puñak erakitean, ametsa ugari:
Itzal-amets, ur-amets, deika oihanari;
Hare-irin idorra gure ithogarri!
4
Lagun bat erori zaut bero tzarrak jorik,
Ezpaitakigu nehork zer egin hartarik:
Guhaurk gure buruak ezin ekarririk,
Gaude ez dugun hobe hura hor utzirik!
5
Bihotza nausiturik adimenduari,
Laguna bildu dugu, andetan ekarri;
Bainan burtzoraturik gu ere erori;
Baten orde hor ginen lurrean lao eri!
6
Ene azken othoitza egin dut, zer gerta:
Oihal bat hedatu dut, seinale pollita;
Agian urrunetik hura ikusi-ta
Norbait jinen zaikula, Jaunak igorri-ta.
7
Haiduru daudenentzat zoin luze denbora!
Lauek burua hutsa, barnean sukarra;
Begiak churiturik beha orotara;
Norbait aditu nahiz beharria para.
8
Orenak badoatzi, nehor ez ageri.
Erdi hilak hor gaude etsimenduari,
Aldizka dei eginez nor gure amari...
Gaichoek balakite gure penen berri!
9
Trenpe-tchartu nain eta deusi ez ohartu.
Nere baitaratzean baitut atsinhartu:
Erizainak nituen laster ezagutu...
Iragaile batzuek ginduzten salbatu.
10
Segur ederretarik eskapatu gira;
Lauek ukaiter dugu hobitzat Sahara.
Bego hemen petrola, moltsen joridura;
Killa jin bezain sarri itzul Sortherrira.