Iholdiko eliza
Errefera
1
Piarres Hegito jauna, aspaldiko urtetan
Ez zira nik uste izan Iholdiko elizan,
Nigarren xukatzia gatik hotza dauka kanpoan,
Gorputzak eta bihotzak emanik berokian.
2
Barnea tinduz ta urrez pinpirin ezarririk,
Herritar ofizialek jargiak moldaturik,
Aldare eta galeri ederki apaindurik,
Ez daike Eskual-Herrian anhitz ederragorik.
3
Kanpoaren edertzea, lan dorpe ta luzea,
Kontseiluko gizonekin merak hartu xedea,
Teilatutik hasi eta denaren berritzea,
Kanpoa egin beharrez eder nola barnea.
4
Hots gaitzean lanak hasi, huna teilatu berri,
Murrueri ere eman harginek bi zafraidi,
Kanpoko etxola hartaz baitzira griņan jarri,
Ez egin odol gaixtorik, berrituren da sarri.
5
Ez dira obra guziak bururaino helduak,
Ez baitira orainokoan sosdunak ohartuak,
Iholdiko elizari dituela diruak
Ororen buru kenduko bere azken nigarrak.
6
Barkatu, Hegito jauna, eginik arrapostu.
Milesker gure eliza duzulakotz aipatu.
Besten hutsen ikustea ez ditake bekatu,
Bainan heien estaltzeaz behar norbeit griņatu.
7
Iholdiko Besta-berri, eder hunkigarria
Zure kopletan daukuzu zuhaurek laudatia.
Errezebi zazu hemen gu denen gomitia,
Duzun ikus zure begiz elizaren IRRIA.