Aphez berri bati
Erramousope, Peyo
1
Jesusek erran Zion: Petri hunat haugi!
Arraintza utzi-eta eni jarraik hadi!
Galde bera egin du zure bihotzari,
Aphez egin behauzu ene zerbitzari.
ERREPIKA
Laudorio, ohore, aphez berriari:
Betikoz eman baita Jesus maiteari.
2
Zuk orduan onhartu Jesusen galdea;
Eskolan hartu behar da jakitatea,
Satanek liluratu nahi du gaztea,
Debalde hedatu du zuretzat sarea.
3
Arimentzat gatza da apheza lurrean,
Eta, ere argia ilumbe beltzean,
Jainkoaren ordaina, kofesionalean;
Arimen ezartzeko zeruko bidean.
4
Benedika ait'amak eta aurrideak!
Ahide adichkide herriko jendeak!
Bozkariatzen gaitu zure aphezteak,
Jainkoari osoki hola emaiteak.
5
Jainkoari eskerrak, egun eder huntan,
Othoitz ezin dezogun guzien huntan:
Aphezak izan diten gure herrietan,
Behar haundia baita bazter guzietan.