Gauaz irrintzina
Erramouspe, S.
1
Mendi mazelak behera jautsia da ilhuna,
Ezeztatuz bere pean zelhai eta oihana.
Bazter etche batetarik tiraka estekari,
Chakur bat ari da luzaz, saingaz errek'otsari.
2
Urrunean gau beleak ouhouriaz dabiltza,
Haritzetik Haritzera kurrituz Oihan-beltza...
Bet betan huna nun diren den guziak ichiltzen
Dutelarik oihanean irrintzina aditzen.
3
Nigarretan boz mehea marraska bat iduri
Ochenduz eta azkartuz altchatzen da emeki
Eta irri samin batek du gero bururatu
Garrasiaz oiharzunak emanez errepostu.
4
Arth'izarra zeru zolan ņir-ņir ari delarik,
Oh! zoin bakan aditzen den irrintzina jadanik
Bere arbaso maiteen odol hura othe du,
Eskualdunak zorigaitzez, bethikotzat ukatu!
5
Duela hamabi mende, Ibaņeta aldean,
Irrintzina aditurik hegaldatzen airean.
Errolan gaitzaren kontra zombat othe gerlari,
Oihu hera ihardetsiz lotu zen guduari?
6
Zombatak, gure artean, dagozin uzkurtuak,
Beren eskualdun-tasunaz zombat ahalgetuak;
Orreagan irrintzina egin duen odola,
Ahalge tzar batendako ez da hambat achola!
7
Irrintzinak duelarik mendian ihardesten,
Oiharzuna lotsaturik laster da hegaldatzen
Eta juaiten, nola dohan aiziarekin lanoa,
Har-ziloan uzkurturik lo zagon arranoa.
8
Irrintzina aditzean, othoi zu eskualduna,
Orhoit zaite zer izan den arbasoen omena.
Zeru zolarat behatuz arranoaren gisa
Atzar zaite eskualduna; utz zure beldur hitsa.