Artzai ezkongaientzat

Erauskin, Patxi

 1

 Amar artzai mutillak

 egin degu junta

 aurten ezkontzen ezdanak

 andrea artzen ezduanak

 milla pesta multa,

 galduta gertatzean

 itza damututa,

 dirua dagolako

 geok jarri degulako

 depositatuta.

 2

 Ogeita amarnaz

 goitik gera urtez,

 mutill zar aspertuta,

 bizinai uztartuta

 asmo onak ustez,

 gabiltzalako geren

 buruaren kaltez,

 soldatak pagatutzen,

 morroyak mantendutzen

 emaztien partez.

 3

 Gure bizi modua

 nola dan neguan,

 elurretan bustia

 korputz dana ostuta

 otari alboan,

 andik etxera berriz

 illun beranduan,

 talo babea janaz

 gozatutzen geranez

 antxen su ondoan.

 4

 Udaran bizi modu

 guztiz ona dakau,

 nola gabiltzan askok

 ikusitzen gaituzte

 ezin bada ukan,

 aize sanoak artu

 gaztak egin goiz gau

 artesneari zurrut,

 gazureari purrust

 matoiari motzan.

 5

 Jeki ta ardiak jetxi

 larrera biraldu,

 paz esneakin

 txistujos gastak egin

 ondoren gosaldu,

 zear etzanean lo

 pasa seibat ordu,

 guk bizi modu txarra

 udaran daukagula

 nork esan biardu.

 6

 Artaldeak gerenak

 diru apur bat bai,

 jokurikan ez degu

 erretiros zintzoak

 nola aste ta jai,

 gañera berriz alai

 gabiltzanak nunnai,

 gero zartzarorako 

 geren anparorako

 andretxo bana nai.

 7

 Amar mutill gu nola

 gertatzen artzayak,

 sinistatu bezate

 ez geradela iñor

 animan etsayak,

 biotz biguñekoak

 jenios lasayak,

 andre koskortxo bana

 merezi ditugula

 iruritzen zayak.

 8

 Jakin dezazute-bai

 neskatxa gasteak

 gure biotzak dir dir

 pozak jarritzen ditu

 zuek ikusteak,

 ditxarik aundiena

 itz au sinisteak

 gose ta egarriak,

 ezetz bizi larriak

 geuren emazteak.

 9

 Langille ta zintzoak

 albada jostunak

 ez da ardurarikan

 izanagatik ere

 txanponik ez dutenak,

 neskatxa musu gorri

 ta gona moz dunak

 bazaute saldutzeko

 gu emen artutzeko

 zuen erostunak

 10

 Erabaki zorrotza

 gerendu diagu,

 ustartzen ez geranak,

 milla bana peseta

 eman beayagu

 egin bear ziegu

 neskatxai erregu

 ondo jartzen diranak

 ezkontzen geradenak

 emazte ta diru.

 11

 Amar mutillak nola

 ein deun juntea,

 publikatutzen degu

 jakin da geldi dedin

 euskaldun juntea

 Tolosarrak dauka

 garbi apuntea,

 ta Amezketarra

 dana artzai jatorra

 jaun presidentea.

 12

 Begiratuko diegu

 neskatxa lirañi,

 baita pretensioa

 alkarrez bizitzeko

 piñezan eskañi,

 aurreaz jakiteko

 bertsoak ipiñi,

 egin ote dan da,

 zein geraden galdetu

 Patxi Erauskiñi.