Bildoltcha eta oxoa

Zalduby, G.A.

 Primadera goiz batez

 Chirripa batera

 Bildotch bat ama gabe

 Gan zen edaterat

 Antchet ari zelarik

 Churga churga bera,

 Oxoa oianetik

 Zitzaion atera.

 Oxoak gorochago

 Chirripan sarturik:

 "Ur au, erraten dio,-

 "Zikintzen dautak ik."

 Bildotchak errepusta:

 "Jauna, nik segurik

 "Emendik ez dezaket

 "Zikin zure urik."

 -"Kichkil tcharrra, oroit nauk,

 "Jaz i ari intzen

 Ene omen onaren

 "Orotan funditzen."

 -"Jaz ni oraino, jauna,

 "Sortzekoa nintzen:

 "Amaren ttittira naiz

 "orri ere biltzen."

 -"Ire anaia zuan

 "I ez balin baaiz."

 -"Ez dut nik anaiarik,

 "Ume bakarra naiz.

 -"Ox zuetarik bat duk

 "Entzun dudana naiz,

 "Nere kontra erralen

 "Zer nai ele gaitz."

 Ortan zen bildotchari

 Oldartu oxoa

 Eta bi klaskaz zuen

 Irexi gaichoa.

 Azkarra duenean

 Partida flakoa,

 Auzia zoinena den

 Erran gabe doa.

 Oxoak bildotchari

 Egin zioena

 Jainko legetik kanpo

 Nork orai kondena?

 Gizon legez ez galda

 Noren den zuzena

 Galde zazu indarrez

 Zoin den nausi dena.