Bettirisants.

Zaldury.

 1

 Bettirisantsez aspaldi dik

 Ez zela deus berri handirik;

 Zioten ehortzi zutela bizirik.

 Lurpetik ilkhirik,

 (Ez duk ez irririk);

 Munduz mundu herratua ibilirik.

 Oraikotik ditik Bettirik:

 Indarrak hartu guk utzirik:

 Hor ziagok kargu handitan jarririk

 2

 Bettirisants bai lehen ere

 Zer den aski jakinak gare:

 zer nahi miseria eta dolore.

 Demboraz hain pobre.

 Orai zer podore!

 Zorri hilik phiztuen emperadore.

 Gaichto eta tzarren fagore,

 Hetarik duela ohore:

 Jende zuzenak orai behar du gorde.

 3

 Bettirisants lehen ardura

 Balinbazabilan barura,

 Orai hargatik gizenik dik itchura

 Amarru segura

 Jin zaiok burura

 Hain aphaletik igaiteko tronura.

 Pherekatuz jende makhurra,

 Egiatzat salduaz gezurra,...

 Holache zembat ez dik bildu eskura?

 4

 Bettirisanrts dugu lehena

 Lege hau ezarri duena:

 lndarraren metreko dela zuzena.

 Nor baita mendrena,

 Hark dik hark hobena:

 Gaichtagin azkar bat gero nork kondena?

 Orai guziek dakitena

 Ofiziotan den tcharrena

 Omen da kontzientzia dunarena.

 5

 Bettirisantsen politika:

 Bera lacho bertzeak tinka:

 Gero "biba la liberte" errepika.

 Jendea dabilka

 Ehoa zaphilka,

 Legar eta lege berri ukhaldika.

 Nausi nahiz oro gaindizka,

 Bainan oro ezin aldizka;

 Diote hori dela errepublika.

 6

 Bettirisanstarren Jainkoa

 Da mundu huntako gozoa.

 Erlichione libro eta lazoa.

 Aphez gabekoa,

 Erran gabe doha,

 Gure chakhurrak dik hola holakoa.

 Gerokotzat bego geroa:

 Bainan damurik herioa

 Hoieri ere zaiote jin gogoa!

 7

 Bettirisantsen soldaduak,

 Framazon beltzak deituak,

 Nun nahi zaizkigu nausi pharatuak,

 Zer nahasmenduak!

 Kalteak, gastuak!

 Derrazkharren hoien gobernamenduak!

 Jainkorik ez nahiz munduak,

 Jabe hoiek ditik hartuak:

 Ez dik gaizki irri egiten debruak!

 8

 Bettirisantsen zangopetan,

 Oi! zembat dabiltzan herrestan!

 Eta zembat den haren aztaparretan!

 Bai aberatsetan,

 Bai nekhatzaletan;

 Zembat libro uste'ta diren gathetan!

 Bizitze gisa batzuetan,

 Jainko legez trabatuetan,

 Bettiriri daude oro lorietan.

 9

 Bettirisantsi bertze asko,

 Begiak itsutuz darraizko

 Hek ere naski on baitire hortako...

 Zeren diren gaichto,

 Ergel edo asto,

 Arren mundu huntan zembat den holako!

 Deus onik ikhasi gabeko,

 Bihotz flako, chilodun kasko,

 Bettiriri hoik oro ongi dohazko.

 10

 Bettirisantstarren haurreri

 Eskola zor zaie deneri;

 Bainan eskolan Jainkorik ez zilhegi.

 Gero da ageri

 Behatuz hoieri,

 Han ikhasietan direla trebegi.

 Berthuteaz nihor ez bedi

 Hoier mintzatzerat atrebi.

 Ez galde jendetasunik abreri.