Belea eta acheria

Zalduby

 Bele belchak haragi

 Puska bat mokoan

 Jan gogoan zagokan

 Haitz baten kaskoan.

 Acheria ihizin

 Han gaindi baitzohan

 Usainka eta beha

 Trikatzen zaio han.

 Egun on, Murde Belea,

 Zer jaun ederra zu!

 Zure lumen dirdiraz

 Liluratzen nauzu.

 Kanatari eder baten

 Fama ere duzu:

 Nahi zintuzket entzun

 Eia, kanta zazu.

 Belea lorietan

 Hasten da kantatzen,

 Duelarik zehe bat

 Mokoa zahaltzen.

 Bere zitzia zaio

 Lurrerat erortzen,

 Acheria hain chuchen

 Altchatzeko han zen.

 Acheriak milisker

 Dio beleari

 Ez gaitela to fida

 Lausengariari.

 Ez, eta ere gure

 Eder usteari,

 Jaki hau daiat hartzen

 Hitz on horren sari.