Egizko udazaliak

Enbeita, Kepa

 Negu osoa beltz illuna da,

 gogor ankerra negua,

 dardar ikaraz ipinten dauna

 izadiaren gogua:

 Udeak oni emoutsan janzki

 orlegi, apain, berua

 kendurik, billoiz, narru gorrian

 dollorki jarri darua.

 Udea barriz oso bestera

 argi, alai ta biguna,

 izadiagaz batera guri

 poza emoten diguna.

 Udaberria berbizkundia,

 zorion etorkizuna,

 alde guztiei begiraturik

 ¡dana da edertasuna!

 Gogo-gayetan jarraitu daigun

 udaberritik udara,

 negu txerrena bazterturik or

 Jaunak nai dauan erara,

 goi-baratzeko lore artian

 beti onetik obara,

 eta egizko udazaliak

 orduan izango gara