Artzain beltcharen neurthitzak. Alegiak (XXIX. Ameriketako bidean)

Zalduby

 1

 Huna jadanik hamar egun

 Itsasoz itsaso uoala,

 Nere sor etchetik hain urrun

 Utzirik amaren hegala.

 2

 Ai! ene amaren nigarrak

 Orai ez daude chukaturik,

 Aita zenaz seme bakharrik

 Baitzadukan konsolaturik.

 3

 Arreba, hor egon zaite, zu,

 Ama maitearen aldean;

 Jinen natzaiola errozu

 Bai, urthe laburrik barnean,

 4

 Iñharak horra airez aire

 Nun doazin alde hartara;

 Hegalak banitu, ni ere

 Ez nindeke, ez, hemen bara.

 5

 Ametsetarik nintzen barda

 Aberats etcherat itzuli;

 Bainan ene ametsa juan da;

 Hartan oro zaizkit itzali.

 6

 Lore bat hauzo baratzean.

 Ikhusi dut, eta han utzi;

 Berari deus ez diot erran;

 Igorriren diot goraintzi.

 7

 Hor berean, lore gordea,

 Egon zakizkit, histu gabe:

 Zu izanen zare neurea,

 Zu, nik ditudan denen jabe.

 8

 Ene gazte lagun maiteak,

 Sor-herriaz goza zaitezte.

 Ni hortik hoin urrun juaiteak!

 Oi! zoin nauen ezarri triste!

 9

 Hik, bai, diru gose zorrotza,

 Nabilkak hola zoraturik;

 Hik dautak gogortu bihotza,

 Hik ezarri nauk itsuturik.

 10

 Aberastu nahi naiz, bainan

 Zuzenez eta ohorezki

 Herrirat heltzen naizenean

 Dirudun fama ez zait eski.