Artzain beltcharen neurthitzak. Alegiak (XXIV. Hitzuntziak)

Zalduby

 1

 Gure herri chumetan

 Zenbat hitzuntzi,

 Zinez edo jostetan

 Oro erasi,

 Trebes, nahasi

 Beha daude nor zertan

 Hobendun kausi,

 Nori pitz hauzi;

 Deus ez nahiz bertzetan

 Onik ikhus.

 2

 Beren hutsak utzirik,

 Khechu bertzenez,

 Mihiak chorrotchirik

 Daude auhenez

 Heien hobenez;

 Nihor ez da garbirik,

 Hoien erranez,

 Kampoz ez barnez.

 Zenbat, hoik ausikirik,

 Dagozin minez!

 3

 Izan dadin egia,

 Ala gezurra,

 Berdin hoien mihia

 Doa itsura,

 Hauts edo urra;

 Denmendren iduria

 Edo itchura

 Dela segura.

 Hain da heien loria

 Bertzen malura!

 4

 Gabaz Akhelarretik

 Mainguka jinak,

 Hasten dire goizetik

 Gure sorginak,

 Debruz eginak,

 Sist handik, sast hemendik,

 Zer listafinak,

 Laphar, ausinak!

 Sendatzea luze dik

 Hek egin minak.

 5

 Mihiak du salatzen

 Bihotz barnea,

 Eta atherarazten

 Handik esnea

 Edo zornea.

 Mihi tzarra da denen;

 Zikhintzailea

 Eta kaltea,

 Hauzo eta ahaiden

 Makhurtzailea.

 6

 Erran chaharretarik

 Huna batena:

 Mihia da gauzarik

 Baliosena

 Edo tzarrena,

 Ongi edo kalterik

 Den gehiena

 Egin duena,

 Hark dabilka bethitik

 Mundu hau dena.

 7

 Girichtinoek bethi,

 Jainko legean,

 Behar ginuke bizi

 Batasunean,

 Orok bakean.

 Hitzuntzi tchar bat gaizki

 Mintzo denean

 Bertzen gainean,

 Nor-nahik ditu kausi

 Bera hutsean.