Artzain beltcharen neurthitzak. Alegiak (XX. Pattin dirudun ez fededun)

Zalduby

 1

 Ez du urthe hambatik

 sor herritik joanik,

 Pattin ethorri zaiku

 aberats jadanik,

 Agur eta ohore

 nahiz denen ganik.

 Nor da orai herrian

 Pattin bezein jaunik?

 2

 Pattin aberasteak

 hola badu jaundu,

 Nola gerthatzen zaio

 ez baita gizondu?

 Giristino legea

 utzirik omen du

 Bihotza nekhez dio

 diru hutsak ondu.

 3

 Pattinen balentria,

 herrirat jin eta,

 Gur' Erlisioneaz

 maiz trufatzen baita.

 -«Jainko legea, Pattin,

 «ez dirozu maita;

 «Honi ihes baitzare

 «ibili sosketa».

 4

 Eskola guttirekin

 joan bezala jinik,

 Bera beizik ez zaio

 nihor jakintsunik:

 -«Aphez hoiek bezenbat,

 «dio, badakit nik;

 «Ez zazuela sinhets

 «hoikien erranik».

 5

 Pattini gero moltsa

 diote ebatsi.

 Hire ohoinak, Pattin,

 milaka goaraintz.

 Haren egitatea

 ez dakikek gaitzi:

 Hortan segurik ez dik

 aphezik sinhetsi.

 6

 Bere sosik galdurik

 denean gelditu,

 Lausengariak zaizko

 Pattini guttitu.

 Jakitatez ere bai

 bera da ttikitu;

 Lehengo balentriak

 ichilduak ditu.

 7

 Urrundik jin hoieri

 gauden beha orai,

 Gu bezala fededun

 diren, ez edo bi;

 Eta gure agurren

 hartzeko diren gai,

 Ze othe dituzkegun,

 anai ala etsai.