Artzain beltcharen neurthitzak. Alegiak. (XII. Otsoa eta amiamokoa)

Zalduby

 I

 Otsoak ahari bat

 baitzuen klaskatu,

 Zintzurrean zitzaion

 hechur bat kokatu.

 Amiamokoari

 zioen eskatu,

 Othoi, plazer zionetz

 hura atheratu.

 2

 Bere moko luzea

 sarthuz zintzurrera,

 Hegastinak hechurra

 zioen athera.

 Lan egite hoi sari,

 hor gure barbera

 Otsoari da hasten

 galdez bortz libera.

 3

 Otsoak huna nola

 zion ihardetsi

 «Zer! hire lana daiat

 «nik ere onhetsi.

 «Urus hain, uste gabez,

 «ez baihaut iretsi.

 «Hortan kito garela

 «behar nauk sinhetsi.»

 4

 Otso horren iduri

 da esker gabea,

 Guziz meneko badu

 ongi egilea.

 Ongiari gaizkiaz

 ez ihardestea.

 Hau bera zaio aski

 hertsi den legea.