Artzain beltcharen neurthitzak. Alegiak. (X. Burdina eta bachera)

Zalduby

 1

 Lurrezko eltzeari

 burdin tupina bat

 Oihuz hari zitzaion:

 «haugi nere ganat.

 «Bazter eder ikusten

 «ibili behainat;

 «Ene lagun hartzen haut

 «hemendik aitzinat».

 2

 Eltzeak tupinari;

 «Jauna, ni zurekin,

 «Hauts errecha bainaiz

 «ez naitekezu jin.

 «Bideko harri batek

 «hunkiz geroz behin,

 «Segur, hamar pusketan

 «nintzake desegin».

 3

 Tupinak eltzeari

 «Ez hoin beldur izan;

 «Atchikiren haut bethi

 «hi nere gerizan.

 «Harririk balin bada,

 «hark arrail ehitzan,

 «Ni artean sarturik

 «salbaturen hiz han».

 4

 Potikoka hor dire

 biak abiatzen.

 Tupina eltzeari

 sahetsez da jartzen;

 Bainan borthizkichegi

 baita balambatzen,

 Kisk eta kask, eltzea

 berak du chilatzen.

 5

 Ttiki batzu handier,

 munduko bidetan,

 Jarreiki nahi dire

 maiz beren kaltetan.

 Hegalik gabe gora

 ezin joan airetan.

 Eroriak gerokotz,

 hor daude errekan.

 6

 Flako bahaiz, ez badin

 aise hauts ez chila,

 Azkarrago denari

 ez hauzirik bila;

 Hire chokotik guti

 aldara hadila:

 Seguretik dagona

 hura duk abila.