Artzain beltcharen neurthitzak. Alegiak. (VIII. Aita biltzaileari seme barriari)

Zalduby

 1

 Aberats zikhoitz batek

 metaka diruak

 Bethi oso zaduzkan

 kutchan giltzatuak.

 Semetto bat baitzuen,

 hor, atrebituak

 Harrapatzen diozka

 oro urdinduak.

 2

 Muthiko gaichtaginak

 diruaren plazan

 Kintaleko harri bat

 ezartzen du kutchan.

 Aita heldu da; bainan

 dirurikan ez han.

 Amesten du semea

 han zaiola izan.

 3

 «Seme frikun, ohoina,

 «zer egin dautak hik?

 «Hik daiztak ene sosak

 «ebatsi kutchatik.

 «Helekin khendu dautak

 «bihotza errotik.

 «Hilzerat nioak... hil nauk

 «bai hik oraikotik».

 4

 Semeak: «Ori, aita,

 «deus ez duzu galtzen.

 Harri hori zaitzu hor

 «berdin baliatzen.

 «Sos tchar heien gozoa

 «zuretzat deus ez zen,

 Ez zintuenaz geroz

 «hortik ateratzen.»

 5

 Huntan ohart gaizkion

 erran chaharrari

 Aita biltzaileari

 seme barraiari.

 Chuhur, ez chuhurregi;

 on, bainan ez nagi;

 Bihotzdun, ez fundibil;

 hola laite nahi.