Artzain beltcharen neurthitzak. Alegiak. (VII. Hartz bat eta bi ihizlari)

Zalduby

 1

 Larrugin bati behin

 bi Santagraziar:

 «Mendian dugu hartz bat

 «hil gogoa bihar.

 «Haren larrea dugu

 «zuri galdu behar».

 Tratua egin zuten

 hamar untza zilhar.

 2

 Bi ihizlari hoiek,

 biharamunean,

 Goizean goizik ziren

 sarthu oihanean.

 Iduri hitz harturik,

 orduan berean,

 Hartz eder bat chutchuta

 pharatzen zaie han.

 3

 Hartza hek uste baino

 handichago baitzen,

 Gure ihiztariak

 horrek ditu lazten.

 Bat izai bati gora

 zalu da upatzen;

 Bertzea, hil idun,

 lurrean etzan zen.

 4

 Hartza lurrean dagon

 horren gana doa.

 Galtzetarat eginik

 han zagon gaizoa.

 Hartzak usainka dio

 hurbiltzen ahoa:

 «Phu! phu! hau, bai hila duk;

 «hauk usain gaichtoa!»

 5

 Aphur bat ibilirik

 higi'ta ingura,

 (Gibel-aldetik zion

 sendi usteldura)

 Utzi zuen jan gabe,

 ez baitzen barura.

 Beharrik zein hain ñaphur

 goiz hartan hartz hura,

 6

 Hila zelakoari,

 hartza urrundu'ta,

 Laguna heldu zaio:

 «Errak, to, ez ukha.

 «Hartza ari baitzuan

 «hiri mandatuka;

 «Zer erran daukan, niri

 «aithorturen duka?»

 7

 -«Beharrirat hurbilduz

 «muthur eta hortzak,

 «Huna zer erran dautan

 «alimale gaitzak:

 «Heldu den aldikotrat,

 «hau gogoan har zak:

 «Larrea saldu gabe

 «hil behar dik hartzak».