Artzain beltcharen neurthitzak. Alegiak (IV. Acheria eta akherra)

Zalduby

 1

 Akher zahar bat eta

 acheria behin,

 Elgar lagun harturik

 bidaia zoazin.

 Beroz eta egarriz

 biek elgarrekin

 Zupu baten zolarat

 zuten jauzi egin.

 2

 Zupuko ur hortarik

 aski edan eta,

 Ateratzeko dute

 chutegi pareta.

 Han preso egotea

 ez dela josteta...

 Acheriak dabilka

 asko gogoeta.

 3

 Acheriak erraten

 dio akherrari

 «Beha zak, to, gogota

 «zertaz naukan ari.

 «Bizkarrez bai adarrez

 «zer zurubia hi!

 «Paret horri chut chuta

 «hortchet phara hadi.»

 4

 Akherrak lorietan:

 baietz bai gogotik,

 Paretari bi besoz

 ematen da chutik.

 Laster da acheria

 ilkitzen zuputik.

 Akher gaizoa orai

 zer eginen duk hik?

 5

 Kampotik acheriak

 «Egik hik orobat,

 «Betzenaz ehintzen, to,

 «sartu behar horrat.

 «Nik hemendik hiretzat

 «deusik ez ziroat...

 «Aintzinetik zertako

 «ez beha gerorat?

 6

 Zembat bi zangotako

 acheri holako!

 Guri esker baitire

 jarriak gorachko!

 Arren gutan zembatek

 errekan beharko,

 Ez ba'gaituzte heiek

 handik aterako!