Artzain beltcharen neurthitzak. Aintzin hitzak

Zalduby

 1

 Elhe onak hitz murritzez

 Ez du gozo hambatik;

 Egia bil laite hotzez,

 Deus ez balu soinetik.

 Artzain beltcha da neurthiztez

 Mintzo mendi gainetik.

 2

 Artzain beltcha beha dago

 Mundu huni aspaldi;

 Ikhusirik baitu frango,

 Denen mintza baladi.

 Zembeit ditu erran gogo

 Kantuz delarik ari.

 3

 Kantu berri edo chahar

 Hambat bitzen jadanik,

 Batzu omen laizte behar

 Hautuz berech emanik.

 Huna orai zembeit bakhar

 Artzain beltcharen ganik.

 4

 Askoren kanta da bethi

 Tilili-ta-talala:

 Hitz bat gabe aire bati

 Jo zak eman ahala.

 Astoak ere badaki

 Orroaz halahala.

 5

 Hitzak chuchen arrimatuz

 Piko, soinu berdinez,

 Dohazila lerrozkatuz.

 Airez, hegal arinez.

 Artzain beltcha dago kantuz,

 Berak hala eginez.

 6

 Jakintsunen erranetan

 Behar bada sinheste,

 Ederrena mintzaietan

 Eskuara da, diote.

 Eskualdunek arrotzetan

 Hortaz ohore dute.

 7

 Eskualdunek arrotzekin

 Ahanztea Eskuara,

 Odolari hori berdin

 Ukho egitea da

 Gauden erne sar ez dadin

 Ahalke hoi gutara.

 8

 Eskualduna, hor, ematzik

 Hire kanta ederrak;

 Irrintzinaz ere atchik

 Harroturik bazterrak.

 Ez bahu traba arrotzik

 Zer egin hiro? errak.