Andredena Maria Pilharrekoa

Zalduby

 1

 Eskualdunek, o Birjina Maria,

 Amodio, ohore dautzugu.

 Zein zaren on, puchant, miragarria,

 Nork sekulan aski erranen du ?

 2

 Eskualduna zure arbasoekin

 Jende zela diote demboraz;

 Zure odol bereko gare egin

 Zure seme Jesusen odolaz.

 3

 Gure Ama zarela orhoit zaite

 Gurutzetik Semeak emana.

 Zure haurrak hain gaitutzugu maite.

 Zu baitzare Jainko baten Ama.

 4

 Mundu huntan oraino zinelarik,

 Gure ganat hunat zinaizkigun;

 Eskualdunak lehen lehenetarik

 Zuk gintutzun athera fededun.

 5

 Santiago, zure Apostolua,

 Gu salbatzera zinuen lagundu.

 Zuk orduan utzi Pilhar saindua

 Saragoitzen ohoratzen dugu.

 6

 Pilhar hortaz, gure Ama maitea,

 Nahi duzu berma gaiten zuri,

 Gogor eta azkar gure Fedea

 Izan dadin harri hoi iduri.

 7

 Hemezortzi ehun urthe baditu

 Fedearen gutan landatzeak:

 Orai arte leial gaizko gelditu,

 Gu fededun nahaste gabeak.

 8

 Eskualdunei Fedea khendu nahiz,

 Etsai gaitzek gaituzte hertsatzen.

 0 Maria, zu gure alde jarriz,

 Deusek ere ez gaitu lotsatzen,

 9

 Gure zuzen lurrekoak galdurik,

 Oso dugu bederen Fedea:

 Eskualduntzat ez da ezaguturik

 Gutartean sinheste gabea.

 10

 Othoi, lagun gaitzatzu, o Maria,

 Gure behar ordu guzietan,

 Osagarri, ontasun, familia,

 Zerurako gure urhatsetan.