Andre dena Maria Sarrantzekoa

Zalduby

 1

 Oi, Andre Dena Maria,

 Sarrantzeko Birjina,

 Oi, zu Jainkoaren Ama,

 Zeruko erregina,

 Zure Semeaz zu zare

 gure Ama egina.

 2

 Toki hau zen lehenago

 oihan, sara, arantze;

 Eskualdunak bide zuten

 izendatu Sarrantze.

 Orai hobeki deit laite

 Mariaren baratze.

 3

 Badu hurren mila urthe,

 ibai horren erdian,

 Birjinaren bultu beltch bat,

 hor baitzen aspaldian,

 Atcheman zutela chutik

 harroken agerian.

 4

 Mirakuiluzkoa zela

 dirudi eder hori.

 Ospeka horrat jendea

 urrundik zen ethorri.

 Birjinaren botherea

 agertu zen orori.

 5

 Handik khen, ereman, ebats

 zer ez zioten egin!

 Espainia-Jakan barna

 gorde ere bai behin.

 Bera hunat itzulia

 bethi zuten eredin

 6

 Erregeak berak ziren

 ethortzen Sarrantzera,

 Gorphutz eta arimako

 fagore galdetzera;

 Asko eri da hemendik

 sendaturik athera.

 7

 Eskualdunak, o Maria,

 toki hau maite dugu.

 Orai ere zure gana

 huna non garen heldu.

 Eskualdunaren fedea

 ez da oraino galdu.

 8

 Munduko ibai gaichtoak

 geramatza borrokan.

 Eskualdunak gauden chutik

 fedearen harrokan.

 Iduk gaitzatzu, Maria,

 othoi, zure besotan.