Agur euskaldunak
1
Agur zueri, Euskaldunak
bihotz zabaleko gizonak.
2
Bakea dela zuekin.
Bakea zuen gogo eta bihotzetan,
zuen arima eta zuen eskuetan.
3
Euskaldun jendea, heldu nitzaitzu
Gaztedanik zuk Uztaritzen
moldatu bezala,
Eskerrak zuri!
4
Euskaldun jendea, ixil eta kartsua,
onar nezazu, onar dezagun elgar.
Heldu nitzaitzu, bihotza zabalik,
Jainkoak berak moldatua
zuen gidari izaiteko
eta zuen amodiozko zerbitzari.
5
Geroari buruz, gora bihotzak!
Zuek xaharrak eta burasoak,
zuek gazteak eta haurrak,
bai, gora bihotzak!
Zuek, Herri huntako apez eta serorak,
Gora bihotzak!
6
Euskaldun jendea, jende Kristoduna,
altxa burua:
indar egin eta lan
Kristoren alde eta
Zeruko Amaren alde
Bai elgarrekin
indar egin dezagun eta lan
gaurko gizonen onerako.