Aita chuhurregiari, seme barraiari.

Zalduby.

 Aberats zikhoitz batek

 Metaka diruak,

 Bethi kutchan zagozkan

 Ontsa giltzatuak.

 Semetto bat baitzuen,

 Hor atrebituak,

 Harrapatzen diozka

 Oro urdinduak.

 Muthiko gaichtaginak,

 Diruaren plazan,

 Kintaleko harri bat

 Ezartzen du kutchan.

 Aita heldu da bainan

 Dirurik ez han.

 Asmatzen du semea

 Han zaiola izan.

 "Seme frikun, ohoina,

 Zer egin dautak hik?

 Hik daiztak ene sosak

 Ebatsi kutchatik....

 Heiekin elkhi dautak

 Bihotza errotik!

 Hil behaiat, hil nauk

 orai hire gatik!...."

 Semeak: "Ori aita

 Deus ez duzu galtzen,

 Harri hori baitzaizu

 Bardin baliatzen.

 Diru haren gozoa

 Zuretzat deus ez zen,

 Ez zinuenaz geroz

 Sekhulan hunkitzen."

 Erran zahar hau ez da

 Arrazoin gabea:

 "Biltzaleari seme

 Barraiatzailea."

 Chuhur eta chuhurregi

 Da zuzen legea,

 Jeneros ez fundibil

 Arce hobea.