Aingeruak

Zalduby

 1

 Oi zein eder, oi zein dohatsu,

 Jaungoiko botheretsuak,

 Zein garbi zituen kreatu

 Zeruetan Aingeruak!

 Gorphutz gabeko izpiritu,

 Miragarri'ta sainduak,

 Hetarik ziren abiatu

 Jaunaren mirakuiluak.

 2

 Beren dohainez urguilutan

 Hainitzak baitziren jarri,

 Nausi nahi, nahasmendutan

 Zerua zuten ezarri.

 Jaunaren hasarrea sutan

 Zitzaioten han jazarri.

 Orduan ifernura Satan

 Erori zen izigarri.

 3

 Aingeru gaichtoak geroztik

 Debru dire ifernuan;

 Eta orai gure ondotik

 Dabiltza bethi munduan;

 Gure gal-araztea gatik

 Ari zaizkigu guduan.

 Bainan Jainkoak erorzetik

 Beira gaitzala orduan.

 4

 Aingeru onak, berthutean

 Zeren azkar egon ziren,

 Bethikotz saindutasunean

 Jaunak finkatu zituen.

 Orai Jainkoaren gortean

 Oi! zein dohatsu diren!

 Eta hek eginik lurrean

 Oi! zenbat gauza handi den!

 5

 Mundura garenean sortu,

 Jaungoikoak bakhotchari

 Aingeru bat eman daroku

 Begirale'ta gidari.

 Zenbat esker on ez diogu

 Zor gure aingeruari!

 Bai eta zenbat errespetu

 Haren han izaiteari!

 6

 O Mikael Arkanjelua,

 Lagun gaitzatzu guduan;

 Luzifer etsai beltz debrua

 Ehortz zazu ifernuan.

 Gure Eliz'Ama saindua,

 Aita saindua buruan,

 Izan dadila alchatua

 Oroz gorago munduan.