Acheria eta belea

Zalduby

 1

 Jasan ahalikako gasna bat mokoan

 Bele bat zagon behin haritz baten kaskoan;

 Acheri bat ihizin han gaindi bazohan.

 Belea ikusirik trikatzen zaio han.

 2

 Agur, morde belea, zein eder zaren zu!

 Zure luma ederran lilluratzen nauzu.

 Kantua luma bezein eder ahal duzu;

 Ai! entzun nahi nuke; othoi, kanta zazu!

 3

 Kuak! huak! arrai hasten da belea, kantatzen

 Zehe bat duelarik mokoa zabaltzen,

 Haragi puska zaio lurrerat erortzen,

 Acheriak etzuen bertzerik asmatzen.

 4

 Orduan acheriak dio beleari

 To! ez gaitezen fida lausengarieri,

 Zerbeit bagarelako gure usteari

 Zitzi hau zor deraitak hitz on horren sari.