Acheria eta Akherra.

G.A.Zalduby.

 Akher zahar bat eta

 Acheria behin

 Elgar lagun harturik

 Norapeit zohazin:

 Bero baitzen, egarriz,

 Biek elgarrekin

 Zipho baten zolara

 Zuten jauzi egin.

 Biek hango uretik

 Aski edan eta,

 Atheratzeko zuten

 Chutegi pareta.

 Han preso egotea

 Ez zela josteta,

 Acheriak zabilkan

 Asko gogoeta.

 Acheriak erraten

 Dio akherrari:

 "Adizak, to gogora

 "Zer jin zaitan niri:

 "Bizkar eta adarrez

 "Hi baihaiz hain handi,

 "Zurubitzat chut chuta

 "Hortcheteman handi."

 Akherrak lorietan:

 Baietz bai gogotik:

 Erran bezala beraz

 Pharatzen da chutik.

 Acheria aise da

 Ilkitzen putzutik.

 —Gaizo akherra, orai,

 Zer eginen duk hik?

 Acheriak: Zoroa!

 "Zertako sar horrat,

 "Ez bahakien gero

 "Nola hel kamporat?

 "To, nik orai hiretzat

 "Deusik ez ziroat:

 "Harako han badiat

 "Lan presatuchko bat."

 Zembat bi zangotako

 Acheri holako ;

 Guri esker baitire

 Jarriak gorachko!

 Eta gutarik zembat

 Errekan beharko,

 Ez baikaituzte handik

 Heiek atherako!