Acheria eta akerra

Zalduby, G.A.

 Aker zaar bat eta

 Acheria bein

 Elgar lagun arturik

 Norapeit zoazin:

 Bero baitzen, egarriz

 Biek elgarrekin

 Zipo baten zolara

 Zuten jauzi egin.

 Biek anogo uretik

 Aski edan eta,

 Ateratzeko zuten

 Chutegi pareta.

 An preso egotea

 Ez zela josteta,

 Acheriak zabilkan

 Asko gogoeta.

 Acheriak erraten

 Dio akerrari:

 «Adi zak to, gogora

 »Zer jin zaitan niri:

 »Biskar eta adarrez

 »I baiaiz ain andi,

 »Zurubitzat chut chuta

 »Orchet eman adi.»

 Akerrak lorietan:

 Baietz bai gogotik:

 Erran bezala beraz

 Paratzen da chutik.

 Acheria aise da

 Ilkitzen putzutik.

 -Gaizo akerra, orai,

 Zer eginen duk ik?

 Acheriak: ¡Zoroa!

 »Zertako sar orrat,

 Ez baakien gero

 »Nola el kanporat?

 »To, nik orai iretzat

 »Deusik ez ziroat;

 »Arako an badiat

 »Lan presatuchko bat.»

 ¡Zenbat bi zangotako

 Acheri olako,

 Guri esker baitire

 Jarriak gorachko!

 ¡Eta gutarik zenbat

 Errekan bearko,

 Ez baikaituzte andik

 Eiek aterako!