Abereak izurritearekin

Zalduby, G.A.

 Izurrite gorria

 Baitzen aberetan,

 Ikustekoak ziren

 Denak ikaretan;

 Zenbeit obendun andi

 Bide zela etan

 Gogoratu zitzaien

 Guzieri betan.

 Amikao leoina

 Errege baitzuten,

 Ark manatzen diote

 Guziak bil diten;

 Zoin den obendunena

 Atcheman dezaten;

 Denen iltzea baino

 Obe dela baten.

 Bilzar oso batera

 Oro bildu eta

 Una Amikaoren

 Mintzatze onesta.

 «Jaunak, izurrite au,

 «Dudarikan ez da,

 «Merezi ez bagina

 «Ez laiteke gerta».

 «Noren gatik gaitz ori

 «Sartu den gutara,

 «Bakotchak gure uxak

 «Detzagun deklara.

 «Obendun bit bizirik

 «Uzten balin bada

 «Izurrite au nioiz

 «Ez daiteke bara.

 «Ni asten naiz neureen

 «Aitortzen leenik:

 «Ardi, zikiro, asko,

 «Il eta jan dut nik:

 «Zenbeit artzain orobat

 «Gerla ek emanik.

 «Ez dut uste badudan

 «Nik bertze obenik».

 -«Biba leoina, zaio

 «Acheria asten,

 «Ardiak artzainekin

 «Zintuen'a jaten?

 «Ez dut uste nik ori

 «Anbat gaizki daiten:

 «Zuk janik izatea,

 Eder zitzaioten».

 Acheriak arrozoin

 Duela diote.

 (Leoinari «oben duk«,

 Nekez erran daite).

 Artzak eta oxoak

 Bardin aitor dute

 Ek ere bai eginik

 Artaldetan kalte.

 Oiek ere ordean

 Andi eta azkar...

 -Olako iizier

 Nol' eta nor jazar?

 -Oien uxak zer dire?

 Zenbeit ttiki bakar...

 Eta niork ez diro

 Lekukorik ekar.

 Or gero azkenekotz,

 Astoa eldu da.

 «Kontzienzian, dio,

 «Au dut errenkura:

 «Igortzen baininduten

 «Etchetik barura,

 «Larreko belarretik

 «Jan dut nik ardura».

 Astoaren aitorra

 Dute'a bai entzun,

 Denek oiuz diote:

 «Oi da oi obendun»

 «Olako gaichtaginik

 «Ez da izan niun:

 «Orri izurrite au

 «Noren gatik dugun».

 Zeren den beraz asto,

 Ark peka dezala,

 Iltzen dute, ta jaten

 Antchet bereala.

 Munduaren artean

 Ere ala ala

 Sakrifikatua da

 Maiz jende apala.